Ըստ «Արեւելք»ի՝ Իրաքի մէջ ծաւալած դէպքերուն հետեւանքով, 72 հայորդիներ հաստատուած են Եոզկաթ:
«Արեւելքի» աղբիւրը նաեւ հաղորդեց, որ հայորդիները Եոզկաթ հասած են մասնաւորապէս իրաքեան Մուսուլ եւ շրջակայից քաղաքներէն՝ խոյս տալով «Իսլամական պետութեան» սպառնալիքներէն: Մեր աղբիւրը հաղորդեց, որ չորեքշաբթի, 16 դեկտեմբերին, Թուրքիոյ խորհրդարանի հայ երեսփոխան Սելինա Տողան իր պատկանած կուսակցութեան անդամներու պատուիրակութեամբ մը հասած է Եոզկաթ՝ մօտէն ծանօթանալու փախստական դարձած հայորդիներու ընդհանուր վիճակին:
«Արեւելք» կը նշէ, որ հայ փախստականները , որոնք արդէն երկու առիթներով նախնական օժանդակութիւններ ստացած են ՄԱԿի գաղթականներու յանձնախումբէն, յառաջիկային նոյնպէս օժանդակութիւններ պիտի ստանան կառավարական մարմիններէ:
Asbarez.com
Leave a Reply