Էրդողանը ռուսական լրատվամիջոցին իրականությունն ասած թուրք պատգամավորին դավաճան է անվանել

Ինչպես կարելի է օտարերկրյա լրատվամիջոցին ասել, որ սեփական երկիրդ ահաբեկչական կառույցին քիմիական զենքի պատրաստման համար զարին է տալիս։ Նման հայտարարություն է արել Թուրքիայի նախագահ Ռեջեփ Թայիփ Էրդողանը՝ նկատի ունենալով ԺՀԿ-ի պատգամավոր Էրեն Էրդեմի հարցազրույցը ռուսական RT-ին։

Թուրքական Taraf-ի փոխանցմամբ՝ Թուրքիայի նախագահ Ռեջեփ Թայիփ Էրդողանը Քոնիա քաղաքում մի միջոցառման ժամանակ անդրադարձել է Ժողովրդահանրապետական կուսակցության պատգամավոր Էրեն Էրդեմի կողմից ռուսական RT-ին տված հարցազրույցի այն հատվածին, որ Թուրքիան ահաբեկչական «Իսլամական պետությանը» զարին տեսակի քիմիական նյութ է տրամադրել։

«Ինչո՞ւ այդ կուսակցությունից ձայն չեն հանում։ Ինչի՞ են սպասում։ Նրանցից մեկը կանգնել օտարեկրյա լրատվամիջոցին ասել է, թե սեփական երկիրը քիմիական զենքի պատրաստման համար զարին է տրամադրել ահաբեկչական կառույցին։ Նա այդպես խորտակվում է դավաճանության մեջ։ Դա դավաճանություն է»,-ասել է Էրդողանը։

http://news.am/arm/news/302632.html