Նոր զարգացում Դինքի սպանության գործով դատավարությանը

Ստամբուլի ծանր հանցագործությունների գործերով 5-րդ դատարանը մերժել է դատախազի պահանջը՝ միավորելու Դինքի գործով մեղադրվող պաշտոնյաների գործը Դինքի սպանության հիմնական գործի հետ։

Ինչպես տեղեկացնում է Ստամբուլի հայկական «Ակօս»-ը, Հրանտ Դինքի սպանության մեջ պետական պաշտոնյաներին պատասխանատվության ենթարկելու գործը քննող դատախազ Գյոքալփ Քյոքչուն մեղադրական զեկույցն ուղարկել է Ստամբուլի ծանր հանցագործությունների գործերով 5-րդ դատարան՝ պահանջելով այն միավորել Դինքի սպանության հիմնական գործի հետ։

Սակայն դատարանը մերժել է գործերը միավորել, եւ դատախազը մեղադրական զեկույցն ուղարկել է Ստամբուլի ծանր հանցագործությունների գործերով 14-րդ դատարան։
Նշենք, որ Գյոքալփ Քյոքչուն իր մեղադրական զեկույցում շեշտել է, որ 26 պետական պաշտոնյաներ պատասխանատվություն ունեն Դինքի սպանության գործում։

http://news.am/arm/news/302365.html