Աճուրդի է դրվել Լեւոն Առաջինի կիլիկյան ոսկյա մետաղադրամը

Cngcoins.com կայքն օնլայն աճուրդի է հանել Կիլիկիո արքա Լեւոն Առաջինի (1198-1219թթ.) գահակալության ժամանակաշրջանին պատկանող հայկական ծայրաստիճան հազվագյուտ ոսկյա մետաղադրամ: Մետաղադրամի տրամագիծը 19.5 միլիմետր է, քաշը՝ 2.46 գրամ:

Մետաղադրամի մի կողմում պատկերված է Լեւոն Առաջինը՝ առյուծի գահին բազմած, ձախ ձեռքին ջրաշուշան, իսկ աջին՝ խաչ: Մետաղադրամի հակառակ կողմում հետեւի թաթերի վրա կանգնած երկու առյուծ է՝ կաթողիկոսի խաչով:

Աճուրդի դրված մետաղադրամը ներկայացվել է Լոուրենս Ադամսի «Արարատյան հավաքածուից»: Լոտի մեկնարկային գինը 50 000 դոլար է: Կիլիկյան մետաղադրամի նոր սեփականատերը հայտնի կդառնա 2016 թ. հունվարի սկզբին:

http://news.am/arm/news/301839.html