Ռուսաստանը ՄԱԿ-ի ԱԽ-ում կարող է բարձրացնել Թուրքիայի նկատմամբ պատժամիջոցներ սահմանելու հարցը

Ռուսաստանը ՄԱԿ-ի Անվտանգության խորհրդում կարող է բարձրացնել Թուրքիայի նկատմամբ պատժամիջոցներ սահմանելու հարցը, սակայն այդ մասին որոշում Մոսկվան դեռ չի կայացրել։

Այդ մասին РИА Новости գործակալությանն ասել է ՄԱԿ-ում ՌԴ-ի մշտական ներկայացուցիչ Վիտալի Չուրկինը:

Անցյալ շաբաթ Ռուսաստանի պաշտպանության նախարարությունն ապացույցներ էր ներկայացրել, ըստ որի՝ «Իսլամական պետություն» խմբավորման ստացած նավթը հասնում է Թուրքիայի տարածք:

ԱՄՆ-ն հայտարարել է, թե իրենց տվյալներով՝ շատ քիչ քանակությամբ նավթ է հասնում Թուրքիա:

ԱՄՆ-ի վարչակազմը, սակայն, խոստովանել է, որ թուրք-սիրիական սահմանի մի շարք շրջաններ փակել չի հաջողվել։

http://www.tert.am/am/news/2015/12/14/churkin/1873425