Պատկան մարմինները մինչ Դինքի սպանությունն իմացել են ամեն ինչ՝ անգամ մարդասպանի անունը. մեղադրական եզրակացությունն արդեն դատարանում է

Պոլսահայ լրագրող, «Ակօս» թերթի խմբագիր Հրանտ Դինքի սպանության գործով մեղադրական նոր եզրակացությունն ուղարկվել է դատարան։

Ինչպես տեղեկացնում է «Ակօս»-ը, փաստաթղթում նշվում է, որ Դինքի սպանության ամեն մանրուքի մասին պատկան մարմինները տեղյակ են եղել, սակայն կանխելու համար ոչինչ չեն արել։

Համապատասխան մարմինները տեղյակ են եղել, որ Դինքի դեմ մահափորձ է նախապատրաստվում, այն պատրաստող խմբավորման ղեկավարների ու անդամների մասին տեղեկություններ են ունեցել, տեղյակ են եղել անգամ, որ հավանական մարդասպանի անունը Օգյուն է, սակայն չեն կանխել հանցագործությունը։

Մեղադրական եզրակացության մեջ նշվում է, որ պետական ծառայողներից շատերի պարտականությունն է եղել կանխել հանցագործությունը, պարտավոր են եղել պաշտպանել Դինքի անձը, սակայն աջակցել են հանցավոր զինյալ խմբավորմանը և անգամ գաղտնի զեկույցներ ու փաստաթղթեր են ոչնչացրել։

Ավելի վաղ հաղորդվել էր, որ քաղաքացիական հագուստով թուրք ոստիկանները մինչև հանցագործության պահը հետևել են Դինքին սպանած Օգյուն Սամասթին։

http://www.tert.am/am/news/2015/12/10/dink/1870699