Թուրքիայում Աթաթուրքի խոսքերը հակաէսթետիկ են համարել

Թուրքիայի Օրդուի քաղաքապետարանը որոշել է, որ քաղաքի համար հակաէսթետիկ է Աթաթուրքի «Հայրենիքում խաղաղություն, աշխարհում խաղաղություն» արտահայտությունը։

Թուրքական Sözcü պարբերականի փոխանցմամբ՝ Օրդու քաղաքի Աթաթուրքի գաղափարների միության շենքի վրա փակցվել է. «Ո՛չ ամեն տեսակ ահաբեկչությանը. Հայրենիքում խաղաղություն, աշխարհում խաղաղություն» գրությունը։

Սակայն իշխող Օրդուի քաղաքապետարանը, որի հիմնական կազմը Արդարություն եւ զարգացում կուսակցության անդամներ են, որոշում են կայացրել, որ հիշյալ գրությունը պետք է հեռացնել, քանի որ այն փչացնում է քաղաքի էսթետիկ տեսքը։

Աթաթուրքի գաղափարների միության անդամները պնդել են, թե որոշումն անօրինական է, եւ իրենք չեն իջեցնելու գրությունը։

http://news.am/arm/news/301251.html