Պոլսահայ հայտնի լրագրող Հրանտ Դինքի սպանության գործով դատարանի առաջ կկանգնի թուրքական ոստիկանության 26 նախկին սպա:
Hurriyet Daily News-ը հայտնում է, որ ինը տարի ձգվող դատավարության շրջանակներում պաշտոնական մեղադրանք է ներկայացվել ոստիկաններին՝ ցուցաբերած անփութության համար:
Ոստիկանների թվում կան նախկինում բարձր պաշտոններ զբաղեցրած անձինք: Նախկինում նույն պաշտոնական մեղադրանքի հաստատումը Ստամբուլի դատարանները երկու անգամ մերժել էին: Այժմ սպասվում է, որ դատարանը իր որոշումը կհրապարակի 15 օրվա ընթացքում:
Դինքը օրը ցերեկով գնդակահարվել էր 2007-ի հունվարի 19-ին Ստամբուլի Շիշլի թաղամասում իր թերթի՝ «Ակօսի» խմբագրության մուտքի մոտ:
http://www.tert.am/am/news/2015/12/09/Dink-case-26/1869732
Leave a Reply