Թուրքիայի զինված ուժերի (ԶՈւ) գլխավոր շտաբը հայտնել է, որ դեկտեմբերի 8-ին երեկոյան թուրքական ռազմաօդային ուժերը ռմբակոծել են Հյուսիսային Իրաքում գտնվող Քուրդիստանի բանվորական կուսակցության (ՔԲԿ-PKK) մի շարք ռազմաճամբարներ:
Ըստ թուրքական «Türkiye Gazetesi» լրատվական կայքի` նշյալ օպերացիային մասնակցել է F-16 տիպի 10 կործանիչ: Վերջիններս ռմբակոծել են Հյուսիսային Իրաքի Քանդիլ, Ավաշին, Բասյան, Զափ և Հաքուրք շրջաններում գտնվող PKK-ի ռազմաճամբարները:
Թուրքական աղբյուրը զոհերի և վիրավորների մասին որևէ տեղեկություն չի հայտնում:
Իսկ թուրքական «Haberler» լրատվական կայքը տեղեկացնում է, որ այն ժամանակ, երբ թուրքական օդուժը ռմբակոծում էր PKK-ի վերոնշյալ ռազմաճամբարները, Հյուսիսային Ւրաքում էր գտնվում Թուրքիայի քրդամետ Ժողովուրդների դեմոկրատական կուսակցության (ԺԴԿ-HDP) համանախագահ Սելահաթթին Դեմիրթաշը: Նա ընդհատել է այցը և շտապ վերադարձել Թուրքիա:
Ermenihaber.am
Leave a Reply