Զարմանալի է, բայց ԱՄՆ-ից ևս տնտեսական պատժամիջոցներ Թուրքիայի նկատմամբ

Ռուսաստանի կողմից Թուրքիայի նկատմամբ կիրառվող տնտեսական արգելանքների ամենաթեժ պահին ԱՄՆ-ը ևս տնտեսական պատժամիջոցներ կիրառեց Թուրքիայի նկատմամբ:

Թուրքիայի էկոնոմոիկային նախարարությունը երեկ շրջաբերական է ուղարկել բոլոր այն կառույցներին, ովքեր սննդի և գյուղմթերքների արտահանում են իրականացնում ԱՄՆ:

Շրջաբերականում ասվում է , որ ԱՄՆ-ի Առողջապահության նախարարության Սննդի և Դեղերի վարչության կողմից (U.S. Food and Drug Administration) իրականացված ստուգումների արդյունքում Թուրքիայից արտահանվող սննդի օրինակների մեջ հայտնաբերվել է սալմոնելա բացիլ և կրկնակի ստուգման են ենթարկվելու նախկին խմբաքանակները:

Այսուհետ թուրքական ապարանքների մուտքը ԱՄՆ շուկա ոչ միայն դժվարացվել է, այլ նաև համարյա թե անհնարին է դարձել: Բացի այդ,նախարարությունը ընկերություններին զգուշացրել է, որ ԱՄՆ-ը ՛՛Ընդդեմ ահաբեկչության մաքսային- առևտրային համագործակցության՛՛ շրջանակներում հատուկ ստուգման է ենթարկելու նաև ոչ սննդային ապրանքների ներմուծումը:

Մինչդեռ Թուրքիան հույս ուներ ռուսական շուկան մասամբ փոխարինել ԱՄՆ շուկայով:

http://www.armweeklynews.am/n/na/10/a134.php