Իրաքը Թուրքիային մեղադրել է իր տարածք ռազմական ներխուժման մեջ

Մոսուլի շրջան թուրքական ստորաբաժանում մտցնելն Իրաքում անվանել են ռազմական ներխուժում։

«Թուրքական զինված ուժերը, որոնք մտել են Մոսուլի շրջան, իրաքյան տարածք են ներխուժել առանց մեր համաձայնության եւ պետք է անմիջապես հեռանան»,– ասվում է Իրաքի արտգործնախարարության հայտարարությունում, հաղորդում է «Росбалт»–ը։

Իրաքի վարչապետի մամուլի ծառայության հայտարարությունում ասվում է, որ Բաղդադը սա համարում է իր ինքնիշխանության խախտում։

Ավելի վաղ հայտնի էր դարձել, որ թուրքական ստորաբաժանումը տեղակայվել է Բաշիկի շրջանում Հյուսիսային Իրաքի Մոսուլ քաղաքի մոտ։ Ըստ լրատվամիջոցների, 130 թուրք զինվորականները տեղակայվել են արդեն երկու տարի շարունակվող` Քուրդիստանի ինքնավար հատվածի զինված ուժերի`՝ «փեշմերգայի» ուսուցման ծրագրի շրջանակում։

ԱՄՆ ռազմական շրջանակների աղբյուրը հայտնել է, որ Թուրքիայի նախաձեռնությունը կապ չունի ԱՄՆ–ի գլխավորած կոալիցիայի հետ։

http://news.am/arm/news/300130.html