Թուրքիան իր տնտեսությունը խորտակելու աստիճան կախված է Ռուսաստանից. թուրք էներգետիկ փորձագետ

Եթե Ռուսաստանը Թուրքիային մատակարարվող գազը կտրի, Թուրքիայում կյանքը կարող է քաոսի վերածվել։ Այս մասին հայտարարել է էներգետիկ հարցերով թուրք փորձագետ, Աշխարհի էներգետիկ խորհրդի անդամ Նեջդեթ Փամիրը։

Թուրքական Sözcü պարբերականի հետ զրույցում Նեջդեթ Փամիրը նշել է, թե Թուրքիան իր տնտեսությունը խորտակելու աստիճան կախված է Ռուսաստանից՝ շեշտելով, թե բնական գազի 55 տոկոսը հենց Ռուսաստանից է գնվում, իսկ մյուս երկրներից գնվող գազի ծավալների ավելացման հնարավորություններ ֆիզիկապես չկան։ «Մնացած 18 տոկոսը գնում ենք Իրանից, 12-ը՝ Ադրբեջանից։ Ալժիրից եւ Նիգերիայից էլ հեղուկ գազ ենք ներմուծում։

Նույնիսկ Թուրքիայի գազի պահեստները շատ սահմանափակ են։ Եթե Ռուսաստանը գազը կտրի, Թուրքիայում կյանքը կարող է քաոսի վերածվել»,-ասել է թուրք էներգետիկ փորձագետը։

News.am