Թուրքերը դժվարություններին սովոր ազգ են, առանց գազ կդիմանան․ Էրդողան

Մենք մեր կյանքում միշտ չէ, որ բնական գազով ենք տաքացել, այնպես, որ կդիմանանք առանց բնական գազ։ Նման հայտարարություն է արել Թուրքիայի նախագահ Ռեջեփ Թայիփ Էրդողանը։

Թուրքական Cumhuriyet պարբերականի փոխանցմամբ՝ Թուրքիայի նախագահը, Կատար մեկնելու ճանապարհին լրագրողների հետ զրույցում անդրադառնալով ռուսական հնարավոր պատժամիջոցներին էներգետիկ ոլորտում, ասել է․ «Մեր քաղաքացիները բնական գազի համար անհանգստանում են։ Բայց մենք մեր ամբողջ կյանքը միթե բնական գազո՞վ ենք ապրել։ Բնական գազը վերջին ժամանակներում է տարածվել։ Մեր ազգը դժվարություններին սովոր ազգ է։ Այնպես չի, որ ռուսական գազը չլինի, մենք կկորենք։ Մենք ռուսներից բացի այլ երկրներից էլ գազ ենք գնում»,-ասել է Էրդողանը։

Ավելի ուշ, Էրդողանը Կատարում համաձայնագիր է ստորագրել՝ հեղուկ գազի գնման ծավալների մեծացման հետ կապված։

Նշենք, որ էներգետիկայի ոլորտի բոլոր թուրք մասնագետները պնդում են, որ մոտակա 10 տարվա կտրվածքով Թուրքիան բացի ՌԴ-ից այլ տեղից համապատասխան ծավալի գազ գնելու հնարավորություն չունի։

http://news.am/arm/news/299662.html