Էրդողանին իր թափած արյան մեջ ենք խեղդելու. համշենցիներին կատաղեցրել է քուրդ փաստաբանի սպանությունը

Դիարբեքիրի Սուրի շրջանում մամուլի ասուլիսից հետո լրագրողների աչքի առաջ Դիարբեքիրի փաստաբանների միության քուրդ նախագահ Թահիր Էլչիի սպանությունը դատապարտել են Հոպայում (Խոպա):

Թուրքական BirGun-ի փոխանցմամբ՝ Հոպայում հավաքված հարյուրավոր քաղաքացիները, ի նշան Թահիր Էլչիի սպանության դեմ բողոքի, երթ են իրականացրել՝ պահելով տարբեր կարգախոսներով պաստառներով։ Գլխավոր պաստառի վրա գրված է եղել․ «Պալատին (Էրդողանին անվանելու տարբերակ- խմբ.) իր թափած արյան մեջ ենք խեղդելու»։

Խմբի անունից ելույթ է ունեցել Քամիլ Ուսթաբաշը՝ շեշտելով, թե իրենք չեն վախենում Էրդողանի ստեղծած ֆաշիստական մթնոլորտից ու ճնշումներից։

Նշենք, որ Հոպան Թուրքիայի միակ բնակավայրն է եղել, որտեղ Էրդողանը չի կարողացել քարոզարշավ իրականացնել, քանի որ քաղաքացիները նրան քարկոծել ու վռնդել են։

Հոպայի բնակչության գերակշիռ մասը, այդ թվում քաղաքապետը, համշենահայեր են, ովքեր խոսում են հայոց լեզվի` Համշենի բարբառով։

http://news.am/arm/news/299206.html