Թուրքական իշխանությունները ձերբակալել են երեք բարձրաստիճան զինծառայողների՝ երկու գեներալի ու մեկ թոշակառու գնդապետի, տեղեկացնում է Anadolu գործակալությունը:
Նրանց մեղադրանք է առաջադրվել զինված ահաբեկչական խմբավորում ստեղծելու ու ղեկավարելու, ինչպես նաև հեղաշրջման փորձի համար:
Ստամբուլի դատախազ Իրֆան Ֆիդանը հաղորդել է, որ գեներալ Իբրահիմ Այդընը, գնդապետ Բուրհանեթթին Ջիհանգիրօղլուն ու գեներալ Համզա Ջելեփօղլուն ձերբակալվել են այն բանից հետո, երբ կանչվել էին մայրաքաղաքի դատարան՝ Թուրքիայի ազգային հետախուզական կազմակերպությանը պատկանող բեռնատարների զննության գործով:
Ավելի վաղ ՌԴ արտգործնախարար Սերգեյ Լավրովը հայտարարել էր, թե Թուրքիայի տարածքում «ահաբեկչական դրսևորումների կրիտիկական զանգված է կուտակվում»: Նա հայտարարել էր, որ Թուրքիայից ահաբեկչության սպառնալիքն ավելի քիչ չէ, քան Եգիպտոսից։
http://www.tert.am/am/news/2015/11/30/turkey-terrorism/1859497
Leave a Reply