Լավրով. Պուտինն Էրդողանից հեռախոսազանգ չի ստացել

ՌԴ ԱԳ նախարար Սերգեյ Լավրովը հայտարարել է, որ Ռուսաստանի նախագահ Վլադիմիր Պուտինը Թուրքիայի նախագահ Ռեջեփ Թայիփ Էրդողանից հեռախոսազանգ չի ստացել: Այս մասին գրում է ՌԻԱ Նովոստին:

«Չի եղել»,- լրագրողներին ասել է Լավրովը՝ պատասխանելով հարցին, արդյո՞ք Թուրքիայի ղեկավարը փորձել է զանգահարել ՌԴ նախագահին:

Հիշեցնենք, որ ֆրանսիական France 24 հեռուստաալիքին տված հարցազրույցում Էրդողանը հայտարարել էր, որ Սու-24 օդանավի հետ կապված միջադեպից հետո փորձել է զանգահարել Պուտինին, սակայն զրույցը չի կայացել: Բացի այդ, Էրդողանի խոսքով, նոյեմբերի 30-ին Փարիզում հանդիպում է խնդրել ռուսական ղեկավարի հետ, սակայն ռուսական կողմից առայժմ պատասխան չի ստացել:

http://news.am/arm/news/298613.html