Ստամբուլի համալսարանի ատամնաբուժության ֆակուլտետի շրջանավարտ 24-ամյա Ռուդի Բոյաջյանը Թուրքիայում ատամնաբույժների շրջանում անցկացված քննության առաջին տեղն է զբաղեցրել: Համալսարանը նոր ավարտած Բոյաջյանը, մասնակցելով ատամնաբույժների մասնագիտական քննությանը, ստացել է 108.5 միավոր՝ դառնալով առաջինը քննությանը մասնակից 2400 ատամնաբույժի մեջ:
Բոյաջյանը «Ակօս» շաբաթաթերթի հետ զրույցում ասել է, որ ցանկանում է շարունակել կրթությունը՝ խորանալով գիտության մեջ:
Ըստ Բոյաջյանի՝ ատամնաբույժի մասնագիտության մասին սկզբում չի էլ մտածել, սակայն ԲՈՒՀ-ի քննությունները հանձնելուց հետո ընտրել է Ստամբուլի համալսարանի ատամնաբուժության ֆակուլտետը:
«Ուսումս սկսելուց հետո հավանեցի այս մասնագիտությունը: Ինձ ամենից շատ գրավում է այն, որ ապագայում մարդիկ երախտապարտ են լինելու ինձ»,- ասել է պոլսահայ ատամնաբույժը:
Ermenihaber.am
Leave a Reply