Թուրքիայի վերջը պետք է տալ հայերի ձեռքով. Ժիրինովսկի

«Вечер с Владимиром Соловьевым» հաղորդման հատուկ թողարկումը անդրադարձել է Թուրքիայի կողմից ռուսական ինքնաթիռի խոցմանը:

Ծրագրի շրջանակում Ռուսաստանի Լիբերալ-դեմոկրատական կուսակցության ղեկավար Վլադիմիր Ժիրինովսկին խիստ քննադատել է Թուրքիային` հանկարծ «հիշելով», որ Թուրքիան պատմության ողջ ընթացքում միշտ ատել է Ռուսաստանին և գործել նրա դեմ:

Նա նաև առաջարկել է Թուրքիայի վերջը տալ ուրիշի ձեռքով և հիշեցրել է Հայաստանի արևմտյան տարածքների մասին:

«Թուրքիայի հարցերը պետք է լուծել, դա անել ուրիշի ձեռքով: Հայերն ատում են թուրքերին. եթե մենք նրանց թույլ տանք ազատագրել իրենց արևմտյան տարածքները, նրանք հաճույքով կազատագրեն: Հայերը դա արդեն արել էին 1918-ին, սակայն Մոսկվան չօգնեց, նորից անցավ Թուրքիայի կողմը»,- հայտարարել է Ժիրինովսկին:

Քրդերը, նրա խոսքերով, նույնպես սպասում են ՌԴ-ի օգնությանը, եթե ՌԴ-ն ճանաչի նրանց անկախությունը, իսկ նրանց թիվը հասնում է 20 միլիոնի, և մայրաքաղաքն արդեն հայտնի է` Դիարբեքիրը, այդպիսով Արևելյան Անատոլիան կդադարի որպես այդպիսին գոյություն ունենալուց: «Արդյունքում` կունենանք անկախ Քրդստան և Մեծ Հայաստան»»,- ասել է Ժիրինովսկին:

http://www.yerkir.am/news/view/97060.html