Թուրքիայի Սվասում գտնվող հայկական լքված գերեզմանատունը մաքրվել է աղբից

Թուրքիայի Սվաս (Սեբաստիա- Ակունքի խմբ.) քաղաքում զորամասի հարեւանությամբ գտնվող եւ աղբանոցի վերածված հայկական գերեզմանատունը մաքրվել է աղբից։

Ինչպես տեղեկացնում է Ստամբուլի հայկական «Ակօս»-ը, Սվասի քաղաքապետարանը «Հասարակության օգտին արվող աշխատանքներ» ծրագրի շրջանակում կազմակերպել է աղբանոցի վերածված հայկական գերեզմանատան մաքրումն ու խնամքը։

Կատարված աշխատանքների հետ կապված` քաղաքապետարանի պատասխանատուներից մեկը հայտարարել է, թե իրենք կատարել են իրենց 800-ամյա հարեւանների հանդեպ պարտականությունը։ «Մեր պետության ու իշխանությունների հոգածությունը մեր հանգուցյալ հայ հարեւանների նկատմամբ միշտ էլ լինելու է»,-ասել է նա։

http://news.am/arm/news/297922.html