Թուրքիան դիմել է ՄԱԿ-ի ԱԽ-ին՝ Սիրիայի տարածքում ռուսական օդուժի կողմից թյուրքաբնակ շրջանների ռմբակոծության գործով

Թուրքիան ՄԱԿ-ի անվտանգության խորհրդին դիմում է ուղարկել՝ կոչ անելով ԱԽ նիստի ընթացքում քննել Սիրիայի հյուսիսում գտնվող թուրքմենների շրջանները ռմբակոծելու հարցը:

Ինչպես տեղեկացնում է Anadolu գործակալությունը, Անկարայում պնդում են, որ թյուրքաբնակ այդ շրջաններին ավիահարվածներ է հասցրել ռուսական օդուժը:

Ավելի վաղ դեպքի առնչությամբ Թուրքիայում ՌԴ դեսպանը կանչվել էր երկրի արտգործնախարարություն:

Թուրք դիվանագետները ռուս զինծառայողներին մեղադրում են սիրիական Բայըրբուջաք բնակավայրի ռմբակոծման համար, որտեղ սիրիացի թուրքմեններ են բնակվում:

Սիրիայի թուրքմենները թյուրքական ազգի ներկայացուցիչ են և բնակվում են Սիրիայի հյուսիսում: Նրանք երկրի խոշոր ազգային փոքրամասնություններից են համարվում:

http://www.tert.am/am/news/2015/11/22/un-turkey/1852315