Էրդողանը կոչ է արել մուսուլմանական երկրների հակաահաբեկչական ճակատ ստեղծել

Թուրքիայի նախագահ Ռեջեփ Թայիփ Էրդողանը հինգշաբթի հանդես է եկել մուսուլմանական երկրների առաջնորդների միասնական ճակատ ստեղծելու կոչով, որի նպատակը կլինի ծայրահեղականության, այդ թվում` «Իսլամական պետություն» խմբավորման դեմ պայքարը:

«Մենք կանգնած ենք ահաբեկչության դեմ պայքարի խաչմերուկում փարիզյան ահաբեկչություններից հետո»,- INTERFAX.RU-ի հաղորդմամբ` Ստամբուլում ելույթ ունենալիս հայտարարել է Էրդողանը:

«Ես վճռականորեն դատապարտում եմ ահաբեկիչներին, ովքեր ինձ հետ նույն հավատքն են դավանում, և կոչ եմ անում մուսուլմանական երկրների բոլոր առաջնորդներին միասնական ճակատ ստեղծել նրանց դեմ պայքարելու համար», – հավելել է Թուրքիայի նախագահը:

Միևնույն ժամանակ նա կոչ է արել բոլոր մուսուլմաններին չասոցացնել ահաբեկիչների հետ:

http://www.tert.am/am/news/2015/11/19/erdoghan-muslim-front/1850091