Վանի հայկական Սուրբ Բարդուղեմեոս եկեղեցին թուրք զինվորականնները որպես զուգարան են օգտագործել

Սուրբ ԲարդուղեմեոսԹուրքիայի` մինչ վերջերս զորամասի տարածքում գտնվող հայկական Սուրբ Բարդուղեմեոս եկեղեցին երկար տարիներ թուրք զինվորների կողմից որպես զուգարան է օգտագործվել։ Այս մասին գրել է քրդական DİHA («Դիջլե»-Ակունքի խմբ.) գործակալության թղթակիցը։

Քուրդ թղթակիցն այցելել է Վանի Ալբայրաքի շրջանում գտնվող հայկական պատմական Սուրբ Բարդուղեմեոս եկեղեցի եւ պատասխանատուներից հետաքրքրվել պատմական արժեքի ճակատագրով։

Թղթակիցը պարզել է, որ Հայոց ցեղասպանությունից հետո հայկական եկեղեցին հայտնվել է զորամասի տարածքում, որտեղ զինվորներն ավերել են այն, ջնջել սրբապատկերներն ու գրությունները եւ այն որպես զուգարան օգտագործել ։

Ալբայրաքի բնակիչներից Ֆաիք Դուրմազը նշել է, թե իրենք բազմաթիվ անգամ դիմել են պատասխանատուներին՝ եկեղեցին վերանորոգելու համար, սակայն որեւէ արձագանք դեռ չկա։

DİHA-ի թղթակիցը կապնվել է նաեւ Վանի մշակույթի եւ տուրիզմի վարչության պատասխանատուի հետ, ով շեշտել է, թե եկեղեցու վերանորոգման հետ կապված նախաձեռնություն եղել է, սակայն գումարի անբավարարության պատճառով այն կիսատ է մնացել։

Ավելի վաղ NEWS.am-ի թղթակցին հաջողվել էր մտնել եկեղեցու տարածք եւ ֆիքսել եկեղեցու գեղեկությունը։

Նշենք, որ ըստ ավանդության`եկեղեցին հիմնադրել է հայոց Սանատրուկ թագավորը Սուրբ Բարդուղեմեոս առաքյալի գերեզմանի վրա: Միջնադարում այն եղել է Աղբակ գավառի առաջնորդանիստ վանքը եւ կարեւոր ուխտատեղի:

Եկեղեցուն արեւմուտքից կից գավթի շքամուտքին քանդակված են գահին բազմած Հայր Աստված, Քրիստոս և աղավնակերպ Սուրբ Հոգին: Սուրբ Երրորդության այս պատկերաքանդակը տվյալ թեմայով լավագույն ստեղծագործություններից է: Ներկայում այս պատկերաքանդակը կիսով չափ ավերված է:

http://news.am/arm/news/295684.html

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

Արխիւ