Թուրքական իշխանությունները Օջալանի անունից կեղծ հայտարարություն են տարածել

PKK-ի առաջնորդ Աբդուլլահ Օջալանի անունն օգտագործելով՝ թուրքական իշխանությունները կեղծ հայտարարություն են տարածել մամուլով։ Այս մասին հայտարարել է Օջալանի փաստաբաններից Ջենգիզ Չիչեքը։

Սոցկայքերում արած հայտարարության մեջ Ջենգիզ Չիչեքը շեշտել է, թե թուրքական լրատվամիջոցները ստել են, թե իբր քրդական Ժողովուրդների դեմոկրատական կուսակցության պատվիրակության հետ հանդիպման ժամանակ Աբդուլլահ Օջալանը քննադատել է քրդական կուսակցության քաղաքականությունը նախընտրական շրջանում՝ այն ձախողված անվանելով։

Քուրդ փաստաբանը պնդել է, թե Աբդուլլահ Օջալանի հետ դեռեւս ոչ մի հանդիպում չի եղել, պարզապես թուրքական իշխանությունները փորձում են, նրա անունն օգտագործելով, կեղծ հայտարարություն տարածել։

http://news.am/arm/news/295026.html