Տրապիզոնում նախատեսվում է հիմնել արաբական քաղաք

Տրապիզոնի նահանգապետ Աբդիլ Ջելիլ Օզը հայտարարել է, որ Տրապիզոնում նախատեսվում է արաբական քաղաք հիմնել:

Թուրքական «Haberler» լրատվակայքի հաղորդմամբ` նոր քաղաքի կառուցման նախագիծը կապված է արաբ զբոսաշրջիկների թվի աճի հետ, ինչպես նաև` քաղաքի նկատմամբ արաբ ներդրողների ունեցած հետաքրքրվածությամբ:

Աղբյուրի բերած տվյալներով` արաբական երկրներից Տրապիզոն մեկնող զբոսաշրջիկների թիվն արդեն հասնում է 300 հազարի: Որոշ արաբ զբոսաշրջիկներ Տրապիզոն այցելելուց առաջ այնտեղի հյուրանոցները և կացարանները մեկ տարով վարձակալելու հայտեր են ներկայացրել:

Նահանգապետն ընդգծել է, որ այս նախագիծը հիմնականում արվում է, որպեսզի խթանվեն արաբ գործարարների կողմից կատարվող ներդրումները Տրապիզոնում: Ծոցի երկրների ներդրողների կողմից ցանկություն կա ներգրավվել հյուրանոցային և կացարանային կառուցման նախագծերում:

Ermenihaber.am