Թուրքիոյ մէջ արդարացուցած են բանտի մէջ 21 քիւրտ սպաննած զինուորականները

Թուրքիոյ հարաւ-արեւելեան Շըրնաք նահանգի Ճիզրէի շրջանի բանտին մէջ 21 քիւրտերու սպանութեան գործով անցնող բոլոր մեղադրեալները արդարացուած են:

News.am-ի փոխանցմամբ` թրքական Nokta պարբերականը կը գրէ, որ Էսքիշեհիրի ծանր յանցագործութիւններու գործերով 2-րդ դատարանին մէջ 1993-1995 թուականներուն Ճիզրէի շրջանին մէջ 21 քիւրտերու սպանութեան գործով վերջին դատավարութեան ժամանակ դատարանը ոչ բաւարար ապացոյցներու պատճառով արդարացուցած է բոլոր 8 մեղադրեալները:

Գործով անցնող գլխաւոր մեղադրեալ, նախկին գնդապետ Ճեմալ Թեմիզոզը նոյնիսկ ծաղրած է դատարանին մէջ գտնուողները` պնդելով, թէ ինքը գիտէ, որ JITEM (Ահաբեկչութեան դէմ պայքարի ոստիկանութեան հետախուզութիւն) ֆրանսերէնով կը նշանակէ «Ես քեզ կը սիրեմ» եւ նման անունով կառոյցի մասին երբեք չէ լսած:

Նշենք, որ Թուրքիոյ մէջ կը հաւատան, որ թէ յիշեալ 21 քիւրտերը եւ հազարաւոր այլ քիւրտեր 1990-ականներուն կոտորած է նոյն JITEM-ը:

http://www.yerakouyn.com/?p=93001