Դիարբեքիրում և Խարբերդում պարետային ժամ է հայտարարվել

Թուրքիայի Դիարբեքիր նահանգի Լիջե և Հանի շրջանների 22 թաղամասերում երեկ երեկոյան ժամը 17:00-ից սկսած պարետային ժամ է հայտարարվել:

Ըստ «CNNturk»-ի` Դիարբեքիրի նահանգանգապետարանի տարածած հայտարարության մեջ նշվել է, որ պարետային ժամը մտցվում է Թուրքիայում ահաբեկչական հայտարարված Քուրդիստանի բանվորական կուսակցության (ՔԲԿ-PKK) զինյալների դեմ անցկացվելիք գործողության ընթացքում բնակչության կյանքի և գույքի անվտանգությունն ապահովելու նպատակով:

Նմանատիպ իրազեկմամբ է հանդես եկել նաև Էլազըղի (պատմ. Խարբերդ) նահանգապետարանը` տեղեկացնելով, որ այսօրվա պարետային ժամի մասին: Պարետային ժամը տարածվել է Խարբերդի նահանգի Արըջաք շրջանի մի շարք բնակավայրերի վրա:

Ermenihaber.am