Նոյեմբերի 16-ին Իռլանդիայի երկրորդ խոշորագույն քաղաքի՝ Քորկի կենտրոնական գրադարանում կբացվի ցուցահանդես՝ նվիրված Հայոց ցեղասպանության 100-րդ տարելիցին։ Ցուցահանդեսի ընթացքում կներկայացվեն մոտ 100 լուսանկարներ, որոնք կբացահայտեն Հայոց ցեղասպանության բոլոր հիմնական փուլերը։ Այս մասին «Հայերն այսօրին» տեղեկացնում են Իռլանդիայի հայկական համայնքից:
Ցուցահանդեսին կներկայացվեն նաև վերջին օրերին Տրինիթի քոլեջի գրադարանում հայտնաբերված փաստաթղթեր և գրքեր, որոնք արձանագրում են Աբդուլ Համիդի օրոք 1895-96 թվականներին իրականացված հայոց ջարդերի վկայություններ։
Ցուցահանդեսի բացման հանդիսավոր արարողությունը կկատարի Քորկի քաղաքապետ Քրիս Օ’Լիրին։ Ցուցահանդես ը կգործի մինչև նոյեմբերի 30-ը։
Հավելենք, որ սա թվով երրորդ ցուցահանդեսն է Իռլանդիայում, որը կազմակերպում է հայկական համայնքը՝ Հայոց ցեղասպանության 100-րդ տարելիցին նվիրված միջոցառումների շրջանակներում։
Հավելյալ տեղեկություններ ստանալու համար կարող եք այցելել հետևյալ կայք-էջ՝ http://armenians.ie/index.php/news/182-armenian-genocide-exhibition-cork-16-nov-2015
Hayernaysor.am
Leave a Reply