Աշխարհի ամենաաղքատ նախագահը Խոսե Մուխիկան չէ, այլ Էրդողանն է, նա զրկված է ժողովրդի սիրուց. Դեմիրթաշ

Աշխարհի ամենաաղքատ նախագահը մեր երկրում է, քանի որ նա զուրկ է ժողովրդի սիրուց։ Այս մասին հայտարարել է Թուրքիայի քրդական Ժողովուրդների դեմոկրատական կուսակցության առաջնորդ Սելահաթին Դեմիրթաշը՝ նկատի ունենալով Թուրքիայի նախագահ Ռեջեփ Էրդողանին:

Թուրքական ImcTV-ի փոխանցմամբ՝ Սելահաթին Դեմիրթաշն անդրադարձել է Թուրքիա ժամանած «աշխարհի ամենաաղքատ նախագահ» անունը կրող Ուրուգվայի նախկին նախագահ Խոսե Մուխիկային։

«Իմ կարծիքով՝ աշխարհի ամենաաղքատ նախագահը չէ Մուխիկան։ Աշխարհի ամենաաղքատ նախագահը Թուրքիայում է ապրում, քանի որ նա զուրկ է ժողովրդի սիրուց»,-ասել է Սելահաթին Դեմիրթաշը։

Նշենք, որ Թուրքիայի ընդդիմադիր Ժողովրդավար հանրապետական կուսակցության հրավերով 10-օրյա այցով Թուրքիայում է գտնվում Արգենտինայի նախկին նախագահ Խոսե Մուխիկան։

http://news.am/arm/news/293569.html