Ստամբուլի «Քամփ Արմեն» մանկատան սեփականության վկայականը հանձնվել է հայերին

Ստամբուլի հայ համայնքից թուրքական իշխանությունների կողմից խլված «Քամփ Արմեն» անունը կրող մանկատան սեփականության վկայականը հանձնվել է Ստամբուլի Գեդիկփաշայի հայկական բողոքական եկեղեցուն։

Ինչպես տեղեկացնում է Ստամբուլի հայկական «Ակօս»-ը, Գեդիկփաշայի հայկական բողոքական եկեղեցու հիմնադրամի փաստաբան Սեբու Ասլանգիլը հայտարարել է, թե մանկատան շենքի սեփականության վկայականի վերադարձի հետ կապված բոլոր աշխատանքներն ավարտված են, եւ շենքն այժմ եկեղեցուն է պատկանում։

Նշենք, որ Ստամբուլի «Քամփ Արմեն» մանկատունը 1987-ին զավթվել է թուրքական իշխանությունների կողմից, այնուհետ վաճառվել թուրք գործարարի։ Վերջինս էլ որոշել է քանդել մանկատունը եւ էլիտար տներ կառուցել։ Հասարակական ճնշման արդյունքում մանկատան քանդումը ժամանակավորապես դադարեցվել է։

Հիշյալ մանկատանն են մեծացել նաեւ Հրանտ Դինքը եւ նրա կինը՝ Ռաքել Դինքը։

Մանկատան տարածքում ամիսներ շարունակ հերթապահում էին հայ ակտիվիստները:

http://news.am/arm/news/292895.html