Սույն թվականի հոկտեմբերի 16-ին Վիեննայի թուրք երիտասարդների և ուսանողների միության կողմից Ավստրիայի մայրաքաղաքում կազմակերպվեց միջոցառում-քննարկում` նվիրված Հայոց ցեղասպանության 100-ամյա տարելիցին: Միջոցառումը կրում էր «Հասկանալ և ոգեկոչել Հայոց ցեղասպանությունը` 100-րդ տարում» խորագիրը:
Միջոցառման գլխավոր բանախոսներն էին թուրք հրապարակախոս ու պատմաբան Այշե Հյուրը և հայ թուրքագետ ու պատմաբան Մելինե Անումյանը: Այշե Հյուրը ներկայացրեց Հայոց ցեղասպանության հարցում քրդերի և չերքեզների ունեցած դերը, իսկ Մելինե Անումյանը բանախոսեց «Հայոց ցեղասպանության փաստը երիտթուրքերի դատավարության վավերագրերում (1919-1921 թթ.) թեմայով:
Միջոցառման շրջանակներում Կոմիտասի որոշ ստեղծագործությունների կատարումներով հանդես եկան Բեյթուր Բորովալըն և Գյուներ Դեսթանը: Քննարկման վերջում բանախոսները պատասխանեցին ներկաների հարցերին:
Akunq.net
Leave a Reply