Թուրքիայի ոստիկանությունն իմացել է պատրաստվող ահաբեկչության մասին, բայց միջոցներ չի ձեռնարկել. ԺՀԿ-ի առաջնորդ

Քեմալ ՔըլըչդարօղլուԹուրքիայի գլխավոր ընդդիմադիր Ժողովրդահանրապետական կուսակցության առաջնորդ Քեմալ Քըլըչդարօղլուն երկրի կառավարությանը մեղադրել է Անկարայում վերջերս իրագործված ահաբեկչական գործողության հետ կապված «Իսլամական պետություն» (ԻՊ) ահաբեկչական խմբավորման հետ հանցակցության մեջ: Այս մասին, ինչպես հաղորդում է «Արմենպրես»-ը, հայտնում է թուրքական DemokratHaber կայքը:

«Ինչո՞ւ 102 մարդ զոհվեց: Ինչո՞ւ չեն հետևել ահաբեկիչներին, որոնք նախկինում գտնվել են հսկողության տակ և գաղտնալսվել: Ես համոզված եմ, որ ոստիկանությունն իմացել է պատրաստվող ահաբեկչական գործողության մասին: Միակ պատճառը, որով անվտանգության միջոցառումներ չեն ձեռնարկվել և ահաբեկիչները չեն ձերբակալվել, իշխանություններից հանձնարարականների բացակայություն է, որոնք ապահովում են ԻՊ-ի պաշտպանությունը», -Samanyolu Haber TV հեռուստաալիքին տված հարցազրույցում հայտարարել է Քըլըչդարօղլուն:

Անկարայի դատախազությունը նախօրեին հայտարարել է, որ Անկարայում ահաբեկչական գործողության կատարողներից մեկը Յունուս Էմրե Ալագյոզն է, որն ընթացիկ տարվա հուլիսին Ուրֆայի նահանգի Սուրուչ քաղաքում ահաբեկչական գործողության հեղինակ Շեյխ Էմրե Ալագյոզի ավագ եղբայրն է. այդ ահաբեկչությունից 33 մարդ էր զոհվել:

Թուրքական ԶԼՄ-ների հաղորդմամբ, Ալագյոզ եղբայրները և ահաբեկչական կազմակերպությունների հետ կապ ունեցող 16 այլ կասկածյալներ 2013 թվականի սեպտեմբերից գտնվել են թուրքական ոստիկանության հսկողության տակ: Սակայն հետագայում այդ կասկածները նրանց վրայից հանվել են:

http://www.tert.am/am/news/2015/10/20/turkish-police/1821463

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

October 2015
M T W T F S S
 1234
567891011
12131415161718
19202122232425
262728293031  

Արխիւ