Փախստականների խնդիրը լուծելու համար մենք չենք կարող համագործակցել միայն Թուրքիայի կամ առհասարակ միայն մեկ գործընկերոջ հետ, քանի որ սա միջազգային խնդիր է։ Այս մասին NEWS.am-ի թղթակցի հետ զրույցում նշել է Հայաստանում Գերմանիայի դեսպան Մաթիաս Քիսլերը՝ պատասխանելով հարցին, թե ինչպես է Գերմանիան կոնկրետ տեսնում միգրացիոն ճգնաժամի լուծման հարցում Գերմանիա-Թուրքիա համագործակցությունը:
«Շատ կարեւոր է, որպեսզի բոլորը միասին աշխատեն Եվրոպայում փախստականների ճգնաժամը լուծելու ուղղությամբ։ ԵՄ երկրները պետք է համերաշխ լինեն այդ հարցում։ Խնդիրը ոչ թե 1 կամ 2 ԵՄ անդամի է վերաբերում, այլ բոլորին։ Շատ կարեւոր է ոչ միայն ԵՄ սահմանների ներսում համագործակցել միմյանց հետ, այլ նաեւ ԵՄ սահմաններից դուրս։ Ինչ վերաբերում է Թուրքիային, մենք չենք համագործակցում միայն մեկ գործընկերոջ հետ, որը կարող է լուծել այդ խնդիրը։ Սա միջազգային խնդիրը է։ Կարծում եմ որ Եվրոպան պետք է համերաշխության հիման վրա ընդհանուր գծեր մշակի առաջ գնալու համար»,- ընդգծել է դեսպանը։
http://news.am/arm/news/291438.html
Leave a Reply