Թուրքիայում լույս է տեսել Հայոց ցեղասպանության փաստը հերքող հերթական գիրքը

Թուրքիան խմբագրում է պատմությունը՝ ցեղասպանությունից զերծ «պատմական» գրքեր հրապարակելով:

Թուրքիայի՝ Հայոց ցեղասպանության փաստի ժխտմանն ուղղված պետական քաղաքականության շրջանակներում այդ երկրում լույս է տեսել հերթական գիրքը: Գրքի անվանումն է՝ «Հայկական հարցի 100-րդ տարին. պնդումներ, ստեր, ճշմարտություններ»:

Ինչպես հայտնում է «İfe.org.tr» կայքը, 15 հոդվածից բաղկացած գիրքն անդրադառնում է Հայկական հարցին և հայ-թուրքական հարաբերություններին՝ պատմական, քաղաքական և սոցիալական տեսանկյուններից:

Գիրքը, բնականաբար, տուրք է տալիս ժխտողական քաղաքականության դրույթներին:

Նշվում է, որ գրքի ստեղծման անհրաժեշտությունն առաջացել է, քանի որ «Հայկական հարցը շարունակում է առաջին օրվա պես արդիական մնալ` չնայած, որ արդեն 100 տարի է անցել»:

Գիրքը կազմել են15 համահեղինակներ:

Ermenihaber.am