Քիմիայի բնագավառում Նոբելյան մրցանակ ստացած գիտնականներից մեկը Թուրքիայից է*

Նոբելյան հանձնաժողովը քիմիայի ոլորտում պատվավոր մրցանակն այս տարի հանձնել է երեք գիտնականի՝ Թոմաս Լինդալին, Փոլ Մոդրիխին և Ազիզ Սանջարին` ԴՆԹ վերականգնման գործում բջիջների կիրառած մեխանիզմների ուսումնասիրության համար:

Ըստ թուրքական մամուլում հայտնված լուրերի՝ գիտնականներից վերջինը` Ազիզ Սանջարը, Թուրքիայից է: Նա կկիսի մոտ 1 մլն դոլոր պարգևավճարը Լինդալի ու Մոդրիխի հետ, որոնք իրարից անկախ նույն ուսումնասիրությունն են արել:

Ըստ թուրքական «Doğan» լրատվական գործակալության` գիտնականին արդեն շնորհավորել է Թուրքիայի 11-րդ նախագահ Աբդուլլա Գյուլը:

Նշենք, որ ծնունդով Թուրքիայի Մարդին նահանգից այս գիտնականը քրդական հարցի համար ակտիվ պայքարող քրդամետ Ժողովուրդների դեմոկրատիա կուսակցությունից ընտրված մեջլիսի պատգամավոր Միթհաթ Սանջարի ազգականն է:

* Թուրքական սոցցանցերում որոշ օգտատերեր պնդում են, թե Ազիզ Սանջարը հայկական արմատներ ունի: – Ակունքի խմբագրություն:

Ermenihaber.am