Պոլսահայ լրագրող Հրանտ Դինքի սպանության առնչությամբ շարունակվող քննության շրջանակներում նոր ձերբակալություններ են տեղի ունեցել։
Ինչպես տեղեկացնում է «Անադոլու» գործակալությունը, ձերբակալված 9 անձանց թվում է Ստամբուլի հետախուզության նախկին պետ Ահմեթ Իլհան Գյուլերը։
2007 թվականի հունվարի 19-ին Շիշլիում «Ակօս» թերթի գլխավոր խմբագիր Հրանտ Դինքի սպանության գործի շրջանակում Ստամբուլի գլխավոր դատախազության ահաբեկչության ու կազմակերպված հանցավորության վարչության դատախազ Գյոքալփ Քյուքչուի կողմից շարունակվող քննության ընթացքում նոր զարգացումներ են տեղի ունեցել։
Քյոքչուն ձեռք բերած փաստերի ու ապացույցների հիման վրա ձերբակալել է ոստիկանության 9 ներկայացուցչի, այդ թվում՝ նախկին բարձրաստիճան պաշտոնյաների։
Նրանք մեղադրվում են «կանխամտածված սպանությանն օժանդակելու, պաշտոնական փաստաթղթերը կեղծելու, դրանք ոչնչացնելու կամ թաքցնելու» մեղադրանքներով։
http://www.tert.am/am/news/2015/10/07/dink/1809162
Leave a Reply