Հրանտ Դինքի սպանության մասին նոր մանրամասներ են հայտնի դարձել

Թուրքական Hurriyet Daily News-ը հայտնում է, որ Թուրքիայից հայ լրագրող, խմբագիր Հրանտ Դինքի սպանության մասին նոր մանրամասներ են հայտնի դարձել:

Ըստ աղբյուրի` ոստիկանության սպա Մուհիթթին Զենիթը, որը կապի մեջ է եղել Դինքի սպանության գործում կարևոր լրտուի հետ, ասել է, թե իրեն չեն թողել ցուցմունք տալ: Դա արգելել են թուրքական հետախուզության երկու նախկին ղեկավարներ` Ռամազան Աքյուրեքը և Ալի Ֆուաթ Յիլամզերը:

Վերջինս, սակայն, Զենիթին ու Աքյուրեքին ասել է, թե ճիշտ չի լինի ոստիկանության լրտու Էրհան Թունջելի մասին հայտնել ցուցմունքներում:

Թունջելը, ով անցնում էր Դինքի գործով որպես կասկածյալ, անցած տարի ազատ էր արձակվել թուրքական դատարանի կողմից:

2007-ի հունվարի 19-ին Դինքը գնդակահարվել էր Ստամբուլի կենտրոնում` «Ակօսի» խմբագրության առաջ: Նրան սպանած անձը` Օգյուն Սամասթը, դատապարտվել էր 22 տարվա ազատազրկման:

http://www.tert.am/am/news/2015/10/01/dink-details-emerge/1805034