Թուրքական Hurriyet Daily News-ն ահազանգում է, որ Թուրքիայից հայ լրագրող Հայկո Բաղդաթին 2 տարվա ազատազրկում է սպառնում` Անկարայի քաղաքապետ Մելիհ Գյոքչեքին «վիրավորելու» համար:
Աղբյուրը մանրամասնում է, որ երեկ մեկնարկել է այս գործով դատավարությունը: Անկարայի քաղաքապետը վիրավորական է համարել, որ Բաղդաթը իրեն անվանել է «հայ» և «զզվելի»:
Այժմ հայ լրագրողը հրաժարվել է իր պաշտպանությունը ներկայացնել Ստամբուլում. նա ցանկանում է Անկարայում շարունակել դատավարությունը: Իսկ առայժմ լրագրողը բացատրել է, թե ինչու է թուրք քաղաքապետին «հայ» անվանել: Ըստ Բաղդաթի բացատրության` ամեն անգամ իր հակառակորդներին դիմելիս՝ քաղաքապետ Գյոքչեքը նրանց մեղադրում է հայ, հայկական արմատներ ունենալու համար` ասես նշելով, թե այդ երկրի բոլոր խնդիրները կապված են հայերի հետ:
Լրագրող Բաղդաթը ասել է, որ դեկտեմբերի 7-ին Անկարայում սպասվող դատավարությանը ավելի մանրամասն կբացատրի հենց իրեն` քաղաքապետին, թե ինչու է նա «հայ»: Նա հաստատել է, որ կարծիքով թուրք քաղաքապետը էլի «հայ» է:
Ամեն ինչ սկսվել էր Twitter-ում լրագրողի հետևյալ հեգնական գրությունից. «Անկարան հայի են տվել, այ քեզ խայտառակություն»:
http://www.tert.am/am/news/2015/09/29/armenian-journalist-ankara-mayor/1802782
Leave a Reply