Սիրիայում անվտանգության գոտու ստեղծումը կլուծի փախստականների ճգնաժամը. Դավութօղլու

Փախստականների ճգնաժամի հաղթահարմանը կնպաստի Սիրիայի հյուսիսում անվտանգության գոտու ստեղծումը։ Այդ մասին հայտարարել է Թուրքիայի արտգործնախարար Ահմեթ Դավութօղլուն՝ Նյու Յորքում կայացած մամուլի ասուլիսի ընթացքում:

«8-ից 9 մլն սիրիացիներ կորցրել են իրենց տները։ Նրանք հեշտությամբ կարող են փախստականների վերածվել: Դա կանխելու միայն մեկ ճանապարհ կա՝ Սիրիայի հյուսիսում անվտանգության գոտու ստեղծումը: Այնտեղ քաղաքներ պետք է կառուցել ու տեղավորել փախստականներին։ Թուրքիան այդ հարցում կարող է օգնել»,-ասել է Դավութօղլուն:

Սիրիայում 2011 թվականի մարտից շարունակվող զինյալ հակամարտության ընթացքում, ՄԱԿ-ի տվյալներով, 220 հազար մարդ է զոհվել։ Սիրիայում կառավարական զորքերի դեմ, սիրիացի ապստամբներից բացի, կռվում են նաև տարբեր ահաբեկչական խմբավորումներ՝ նաև «Իսլամական պետություն» և «Ջեբհաթ ան-Նուսրա» կառույցները։

http://www.tert.am/am/news/2015/09/29/davutoglu/1802035