Թուրքիայում ազատազրկման մեջ գտնվող հայ լեզվաբանը պատգամավորի թեկնածու է առաջադրվել

Ստամբուլահայ հայտնի լեզվաբան Սեւան Նշանյանը Թուրքիայում տեղի ունենալիք առաջիկա ընտրություններում Լիբերալ-դեմոկրատական կուսակցության կողմից պատգամավորի թեկնածու է առաջադրվել։

Սեւան Նշանյանը Twitter-ի իր էջում գրել է, որ համաձայնվել է ընդունել պատգամավոր դառնալու առաջարկը, քանի որ Լիբերալ-դեմոկրատական կուսակցության առաջնորդն իրեն առաջարկել է ցանկի առաջին տեղը։ Նշանյանը նաեւ գրել է, որ ընտրել է հենց այդ կուսակցությունը, քանի որ կուսակցության ղեկավարը կազմակերպված եւ ճիշտ մարդ է։

Նշենք, որ Սեւան Նշանյանը Հայոց ցեղասպանության մասին մշտապես բարձրաձայնել է Թուրքիայում եւ աչքի է ընկել իր անվախ պահվածքով։

Սեւան Նշանյանի դեմ մի քանի դատական որոշումներ են կայացվել` անօրինական շինարարություն անելու մեղադրանքով։ Ներկայում Նշանյանը գտնվում է բանտում եւ ազատազրկման է դատապարտվել ընդհանուր 11 տարով։

http://news.am/arm/news/286640.html