Թուրքիայի Թունջելի (պատմ. Դերսիմ) նահանգի Օվաջըք շրջանի Ասլըջա և Օթլուբահչե գյուղերի միջև գտնվող անտառապատ տարածքում թուրքական օդուժը հարվածներ է հասցնում այնտեղ գտնվող Քուրդիստանի բանվորական կուսակցության (PKK-ՔԲԿ) զինյալների դիրքերին:
Ինչպես փոխանցում է թուրքական «Doğan» լրատվական գործակալությունը, իրականացրած օպերացիայի ժամանակ գործի են դրվել անօդաչու թռչող սարքեր, ռազմական ինքնաթիռներ և «Sikorsy» տեսակի մարտական ուղղաթիռներ: Նշվում է, որ օպերացիայի ընթացքում թուրքական ուժերի դեմ մարտեր են վարում մոտ 50 հոգուց բաղկացած PKK-ականների խմբեր:
Թուրքական կործանիչների ռմբահարումից հետո վերոնշյալ տարածք են ուղարկվել ոստիկանական ջոկատներ, զինվորներ և զրահապատ մեքենաներ: Չնշելով հստակ թվեր՝ թուրքական աղբյուրը հայտնում է, որ իրականացված օպերացիայի արդյունքում մեծ թվով քուրդ զինյալներ են սպանվել:
Ermenihaber.am
Leave a Reply