Տարվա վերջին տեղի կունենա «Վարդապետի լռությունը» ֆիլմի պրեմիերան. այս մասին լրագրողների հետ հանդիպման ընթացքում հայտարարել է «Շարմ» ընկերության տնօրեն Կարեն Ղազարյանը՝ «Հյուսիս-Հարավ» ֆիլմի պրեմիերայի ժամանակ: Այս մասին տեղեկացնում է News.am կայքը:
Նա նշել է, որ «Շարմ»-ին հաճախ են «մեղադրում» միայն կոմեդիաներ նկարահանելու մեջ, սակայն դա այդպես չէ:
«Մենք միայն կոմեդիաներ չենք նկարում: Դրա վառ ապացույցն էր «Անավարտ թռիչք»-ը: Բացի այդ, տարվա վերջ կլինի Կոմիտասի մասին՝ «Վարդապետի լռությունը» ֆիլմի պրեմիերան, որը մենք արել են Վիգեն Չալդրանյանի հետ: Նկարահանվում է եւս մեկ ֆիլմ, որը կոչվում է «Վերադարձ» եւ նվիրված է Հայոց Ցեղասպանության 100-րդ տարելիցին»:
Կարեն Ղազարյանը նշել է նաեւ, որ շարունակելու են կոմեդիաներ նկարահանել:
«Չենք դավաճանում մեր սկզբունքին, անում ենք կոմեդիաներ, որովհետեւ կյանքը այնքան տխուր է այսօր, եւ այնքան շատ խնդիրներ կան, որ անպայման պետք են այսպիսի ֆիլմեր, որ մենք լիցքաթփավենք, ավելի ջերմ եւ բարի աչքով նայենք կյանքին»,-եզրափակել է նա:
Hayernaysor.am
Leave a Reply