Բոլորդ հայ եք, հայերը ձեզնով հպարտանում են․ ասել են թուրք ոստիկանները եւ կոտորել քրդերին

Թուրքիայի քրդաբնակ Ջիզրեում, որտեղ փողոց դուրս գալու արգելք էր սահմանված եւ ոստիկանների կողմից քաղաքացիական անձանձ սպանդ էր տեղի ունենում, նույն ոստիկանները սկանդալային հայտարարություն են արել բարձրախոսով։

Թուրքական մամուլում հայտնվել են տեսագրություններ, որտեղ լսվում է, որ Ջիզրեում ոստիկանները բարձրախոսով հայտարարում են․ «Բոլորդ հայ եք, հայերը ձեզնով հպարտանում են»։

Նշենք, որ նահանգապետի հրամանով քրդաբնակ Ջիզրեում փողոց դուրս գալու արգելք էր սահմանվել, որի ժամանակ ոստիկանները կրակել են ամեն շարժվող կետի ուղղությամբ։ Ըստ քրդական աղբյուրների, այս ընթացքում ոստիկանները սպանել են 10-ից ավել քաղաքացիական անձանց, որոնց հիմնական մասը եղել են կանայք ու երեխաներ։

http://news.am/arm/news/285828.html