Հրավիրած նիստի ընթացքում ԱՄՆ Լոս Անջելես քաղաքի քաղաքային խորհուրդը հաստատել է Armenian Genocide Memorial Tree Project նախագիծը, որի շրջանակում քաղաքային խորհրդի անդամ Պոլ Գրիգորյանի ղեկավարությամբ Լոս Անջելեսի բոլոր 15 շրջանների մի շարք քաղաքային այգիներում 100 հատ նռնենի կտնկվի։ Այս մասին «Հայերն այսօրը» տեղեկանում է Asbarez.com-ից:
Խորհրդանշական ծառատունկը նվիրված է Հայոց ցեղասպանության 100-րդ տարելիցին, իսկ նախագծի շրջանակում առաջին նռնենին տնկվել է ապրիլի 23-ին` Լոս Անջելեսի քաղաքապետարանի մոտ։
«Լոս Անջելեսը, առաջիններից էր, որ կանգնեց հայ ժողովրդի կողքին` պահանջելով արդարություն և ճանաչում: Նախագիծը կծառայի որպես ապրող հուշարձան: Տնկված նռնենիները կխորհրդանշեն հայ ժողովրդի պամությունը և կհիշեցնեն Հայոց ցեղասպանության մասին: Յուրաքանչյուրը, ով կայցելի քաղաք կամ կճամփորդի քաղաքում, կտեսնի նռնենու ծառերը, որոնք կծաղկեն և կշատանան այնքան ժամանակ, քանի դեռ ապրում է տեղի հայ համայնքը: Դրանք կլինեն հույսի, վերածննդի և փրկության նշաններ»,-նախաձեռնության մասին ասել է Պոլ Գրիգորյանը:
Hayernaysor.am
Leave a Reply