Եվրամիությունն անհանգստացած է Թուրքիայում իրավիճակի վատթարացմամբ

Եվրամիությունն անհանգստացած է Թուրքիայում անվտանգության իրավիճակի վատթարացմամբ։

«Թուրքիայում անվտանգության հարցերի վատթարացումը, լրատվամիջոցների եւ քաղաքական կուսակցությունների գրասենյակների վրա հարձակումները ծայրահեղ տագնապալի են»,- ասված է Եվրոպական արտաքին քաղաքականության ծառայության ներկայացուցչի պաշտոնական հայտարարության մեջ։

Հայտարարության մեջ նշվում է, որ անհրաժեշտ է, որպեսզի ժամանակավոր կառավարությունն ու Թուրքիայի բոլոր քաղաքական առաջնորդները հավաքվեն եւ այդ հարձակումները դադարեցնելու կոչ անեն։

ԵՄ-ն ցավում է Քրդստանի բանվորական կուսակցության հարձակումների կապակցությամբ եւ դատապարտում է ահաբեկչական ակտերը։

Նշվում է նաեւ, որ խաղաղ գործընթացը հակամարտության կարգավորման ամենալավ հնարավորությունն է։

http://news.am/arm/news/285430.html