Թուրքիայի Դիարբեքիր նահանգում հայտնաբերվել են վաղ քրիստոնեության դարաշրջանի եկեղեցու ավերակներ

Թուրքիայի Դիարբեքիր նահանգում մի խումբ հնագետներ գտել են մի եկեղեցի, որը կառուցվել էր Հռոմեական կայսրության այն հպատակների կողմից, որոնք առաջինն էին ընդունել քրիստոնեություն, այս մասին հաղորդում է «ՏԱՍՍ»-ը ՝ վակայակոչելով Haberler լրատվական պորտալը:

Վաղ քրիստոնեական հուշարձանը հայտնաբերվել է Չինարում՝ Զերզեվան պատմական ամրոցի գտնվելու վայրում: Դիջլե համալսարանի 60 հնագետներից կազմված խմբի ղեկավար Այթաչ Ջոշկունի խոսքով, եկեղեցին ամբողջովին հողի տակ է գտնվում: «Եկեղեցին կառուցված է հողի տակ: Կարելի է ասել, որ սա առայսօր հայտնաբերված կրոնական ծիսակարգային առաջին նման օբյեկտն է, որ վերաբերում է այն դարաշրջանին, երբ հռոմեացիները նոր էին հեթանոսությունից քրիստոնեության անցել»:

Հավանաբար եկեղեցին Թուրքիայի տարածքում հայտնաբերված ամենահին եկեղեցիներից մեկն է, որը սկսել էին օգտագործել տեղի առաջին քրիստոնյաները:
Շենքի պատերին հնագետները գտել են արամեերեն գրություններ ու քարի վրա փորագրված խաչեր: Դրանց ուսումնասիրության համար հնագետները արամեերենի մասնագետ են հրավիրել:

http://news.am/arm/news/285017.html