Արարատ և Թոնդրակ լեռների տարածքը հատուկ անվտանգության գոտի է հայտարարվել

Սիրիային սահմանակից թուրքական Հաքքարի և Աղրը նահանգներում որոշ շրջաններ ուժայինների կողմից «հատուկ անվտանգության գոտիներ» են հայտարարվել:

Թուրքական «Yuksekovahaber» լրատվական կայքի տեղեկացմամբ՝ Հաքքարիի նահանգապետարանը գրավոր հայտարարություն է տարածել, որում նշված ավելի քան 5 տասնյակ գյուղեր, թաղամասեր, շրջաններ հայտարարվել են հատուկ անվտանգության գոտի:

Ըստ նույն հայտարարության՝ սեպտեմբերի 6-20-ը արգելվում է քաղաքացիական անձանց ելումուտը տվյալ շրջաններ:

Նմանատիպ հայտարարություն է տարածել նաև Աղրի նահանգապետարանը: Երկարացվել է քաղաքացիական անձանց մուտքի արգելքը Արարատ և Թոնդրակ լեռների տարածքներ, որոնք սեպտեմբերի 4-ից մինչև սեպտեմբերի 15-ը հատուկ անվտանգության գոտի են հայտարարվել:

Ermenihaber.am