Թուրքիայի բողոքական եկեղեցիները կոտորածի սպառնալիքներ են ստացել

Թուրքիայի բողոքական եկեղեցիների միությունը հայտարարություն է տարածել, որում նշվել է, որ Թուրքիայի տարածքում գործող բողոքական բոլոր եկեղեցիները մահվան եւ կոտորածի սպառնալիքներ են ստացել։

Ինչպես տեղեկացնում է Ստամբուլի հայկական «Ակօս»-ը, Թուրքիայի բողոքական եկեղեցիների միության տարածած հայտարարության մեջ շեշտվել է, թե ստացված կոտորածի բոլոր սպառնալիքներն ունեն միեւնույն տեքստը, եւ կասկածներ կան, որ դրանք միեւնույն կետից են ուղարկվել։

Նշվում է, որ սպառնալիքներում օգտագործվող ժարգոնը յուրահատուկ է «Իսլամական պետությանը», քանի որ սպառնալից հաղորդագրություններում օգտագործվել է «թագուտ» տերմինը, որով իսլամիստները դիմում են բոլոր նրանց, ովքեր իրենցից չեն։

http://news.am/arm/news/284277.html