Թուրքիայում բախումներն ու հակաահաբեկչական գործողությունները շարունակվում են. կան վիրավորներ ու ձերբակալվածներ

Թուրքական Շըրնաք նահանգում հարձակում է իրականացվել զորամասի վրա։ Ինչպես տեղեկացնում է «Անադոլու» գործակալությունը, Քուրդիստանի աշխատավորական կուսակցությունը՝ PKK-ն, զորամասի ուղղությամբ խոշոր տրամաչափի զենքերից կրակ է բացել։

Միջադեպի հետևանքով վիրավորվել են երկու զինծառայողներ: Հատուկ գործողություն է իրականացվում հարձակվողներին հայտնաբերելու ուղղութամբ:

Հակաահաբեկչական հատուկ գործողություն է իրականացվել նաև Ստամբուլում:

Ստամբուլի ոստիկանության ահաբեկչության դեմ պայքարի վարչության աշխատակիցները ոստիկանական ուղղաթիռների մասնակցությամբ հատուկ գործողություններ են իրականացրել Եսենյուրթ, Բաղջըլար և Քյուչուքչեկմեջե շրջանների որոշ հասցեներում:

Գործողության ընթացքում կասկածյալներ են ձերբակալվել, նրանց տներում խուզարկություններ են իրականացվել:

Զինված միջադեպ է տեղի ունեցել նաև Քիլիսում: Այստեղ բախումներ են տեղի ունեցել թուրք-սիրիական սահմանը հսկող թուրք սահմանապահ զինվորների և սահմանն ապօրինի հատել փորձող խմբի միջև:

Միջադեպի հետևանքով զոհվել է մեկ թուրք զինծառայող: Եվս մեկն անհայտ կորած է համարվում:

http://www.tert.am/am/news/2015/09/02/turkey/1779190