Քոբանիից Թուրքիա փախած հայ ընտանքիները ցանկություն են հայտնել տեղափոխվելու Հայաստան

Պոլսի Հայոց պատրիարքարանը հայտարարություն է տարածել այն մասին, որ Իսլամական պետություն ահաբեկչական կազմակերպության հարձակումների հետևանքով Սիրիայի Քոբանիի քաղաքից Թուրքիա անցած 2 հայ ընտանիք կտեղափոխվի Հայսատան:

Այս ընտանիքները Թուրքիա անցնելուց հետո ապաստանել են սիրիացի փախստականների ճամբարում: Այնտեղ նրանց այցելել է Պոլսի հայոց պատրիարքի փոխանորդ Արամ Աթեշյանը: Պոլսի հայ համայնքի հոգևոր առաջնորդի հետ հանդիպման ժամանակ այս ընտանիքները ցանկություն են հայտնել տեղափոխվելու Հայաստան:

Ի դեպ՝ ընդհանուր առմամբ Քոբանիից 3 հայ ընտանիք է տեղափոխվել Թուրքիա, սակայն նրանցից միայն 2-ն են ցանկություն հայտնել տեղափոխվել Հայաստան: Հայտարարության մեջ նաև ասվում է, որ այս ընտանիքները օգոստոսի 30-ին Արամ Աթեշյանի ուղեկցությամբ կտեղափոխվեն Հայաստան:

http://www.ermenihaber.am/am/news/2015/08/27