Հորդառատ անձրևների հետևանքով ջրհեղեղ և փլուզում` Խոպա քաղաքում. կան զոհեր

Հորդառատ անձրևների հետևանքով ջրհեղեղ և փլուզումներ են գրանցվել համշենահայերով հոծ բնակեցված Արդվին նահանգի Խոպա քաղաքում:

Այդ մասին, ըստ Akunq.net-ի, հաղորդում են թուրքական լրատվամիջոցները:

Աղբյուրի համաձայն` նախնական տվյալներով 8 հոգի են զոհվել աղետի պատճառով, իսկ 3-ն անհետ կորած են համարվում:

Խոպայի քաղաքապետ Նեդիմ Ջիհանը հայտարարել է, որ նման աղետ չէր գրանցվել վերջին 50 տարվա մեջ:

Քաղաքի Սունդուրա թաղամասն ամենաշատն է տուժել ջրհեղեղից, և այստեղ գտնվող մի քառահարկ շենք է փլուզվել: Որոնողական աշխատանքները շարունակվում են:

Akunq.net